【童裝嘅威力】Gigi 千嬅想追多個女 鄭秀文自嘲:天生注定不是母親

分享
嵌入
  • 添加 2018年11月19日
  • 梁詠琪(Gigi)同老公Sergio喺香港以七位數投資嘅童裝店今日喺銅鑼灣正式開幕,兩夫妻連同三歲囡囡Sofia進行揭幕儀式,獲得好友楊千嬅同鄭秀文(Sammi)撐場。Gigi話睇到啲童裝好得意想生多個B,身旁Sammi興起和議,不過最終就話氹下你咋。
    梁詠琪話:「BB大得好快,阿女已經3歲,執返啲BB衫唔捨得畀人,想生多個著返啲靚衫,我有問過佢,囡囡竟然話男仔太好動,問下一個baby我可唔可以要個女。」幾時實行開工造人?Gigi話要做好舖頭工作先,主要想做到工作家庭平衡,佢話:「依家老公每日送女返學,我就接放學,工作盡量安排之後時間。」兩公婆一齊做生意有冇啲咩問題,Gigi話:「我哋好少嗌交去處理問題,有商有量,互相尊重,唔好話生意,湊小朋友都有意見分歧,最緊要方向堅定一致,就變成小問題。」現時香港租金昂貴,Gigi有心理準備未咁快回本,暫時希望做到收支平衡,工作生活平衡,並多謝好友支持。
    Sammi今日專登撐好友,佢話:「童裝用嚟送禮,自用就冇乜用,我呢啲不生育的人。每次揀童裝都好躊躇,唔知揀咩,最驚size唔啱,多數白色唔會錯,最終噚晚我都係打畀Gigi叫佢幫我揀,我真係天生注定不是母親,入到童裝店就毫無頭緒,入咗迷幻森林咁。」Sammi又大讚Gigi同老公好match,有和諧感覺,甜蜜得嚟唔over,令身邊人好舒服,仲話:「Gigi都有問我見到啲衫咁得意想唔想生返個,我唔會因為童裝得意就生,咁兒嬉,但會幫襯大手入貨送禮。」 Sammi直認冇生意頭腦,唔係投資材料,收工後最好唔使用腦,暫無意從商。
    Sammi同安仔早前結婚五週年紀念,人稱木婚紀念,Sammi一聽到話:「你哋又知嘅,木婚,木口木面?食飯算唔算慶祝,呢啲日子反應唔太大,只同兩位至親四人一齊食飯,大家身體健康好感恩,禮物都唔好送,食飯仲開心。」
  • 电影和动画电影和动画

评论 • 4