【狗仔出更】任達華做視障人士 矇眼罩靠導盲犬帶行

分享
嵌入
  • 添加 2018年11月18日
  • 任達華、梁詠琪、楊采妮等主演電影《小Q》,係港版《導盲犬小Q》,前日佢哋同狗隻一齊出活動宣傳,華哥話飾演視障人士角色非常困難:「狗狗又不可控制,我拍咗戲咁耐,第1次試過1場戲要拍48個take,場戲拍過馬路拍咗6個鐘。」(新聞連結: bit.ly/2Ftx8OG )
    《蘋果》日前就喺上環,見到戴住cap帽着住tee嘅華哥,喺太平山街卜公花園嘅球場出現,當時大概係晚上7點,見佢同行有幾名工作人員,同一隻着上導盲犬裝備的狗狗。佢哋一行人先喺球場傾咗一陣,其中一名男士就向華哥講解,而華哥未開始拍攝時亦有同狗狗玩嚟培養感情,而狗狗顯得好乖巧,與華哥相處和洽。
    到差唔多開始拍攝,華哥就同工作人員及狗狗影合照,之後佢就戴上黑色眼罩,拖住導盲犬步行,一名女工作人員就為他拍片,見華哥矇起雙眼小心翼翼地慢行,感受視障人士生活上依靠導盲犬幫助。華哥拖狗狗行了一個圈,就停低同工作人員傾偈,其間工作人員發現有記者影相,就呼籲記者影夠就走,記者亦聽話走人。
    不過話時話呢個公園係康文署管理,唔係寵物公園,應該係唔可以帶狗入內。
  • 电影和动画电影和动画

评论 • 0