【8月宣佈有喜】子宮頸短隨時早產 「四眼律師」陳華鑫:寶寶乖,瞓多一個月先

分享
嵌入
  • 添加 2018年11月17日
  • (新增回應)
    台慶劇《是咁的,法官閣下》雖然冇乜大卡士、大製作,但貼地題材,觀眾反而幾buy。當中飾演實習律師潘琪嘅陳華鑫(Gloria),為咗呃like,竟然喺庭上偷影相兼偷竊,最後被判罪名成立,罰款二千蚊,有機會影響獲取大律師資格。
    Gloria嘅行為雖然唔討好,但四眼律師look,唔少網民都讚好省鏡。Gloria今日喺ig貼咗一張大肚相,穿上一件白色內衣配薄紗外套,用手輕托巨肚,流露幸福笑容。Gloria留言:「期待小生命的來臨,寶寶乖,瞓多一個月先出嚟玩。」
    其實Gloria入行已經六年,佢係2012年落選港姐,今年1月嫁畀生意人周國榮,婚後二人極速造人成功,8月宣佈有喜。Gloria早前透露預產期係12月尾,但由於子宮頸短,BB有機會早產,所以都要臥床休息。
    陳華鑫今日回覆傳媒時話﹕「心情開始緊張喇,醫生話我個宮頸開始短。自己就想順產,但最終要等醫生決定。」係仔定女?佢賣關子話﹕「出世之後先講畀大家知。」
  • 电影和动画电影和动画

评论 • 1

  • 正義哥 -蘇怡
    正義哥 -蘇怡 个月 前 +1

    我認得她,參選港姐時我仲以為她會入三甲